Musique

11-af usin ghad làadawt ula taghuyyit

12-kuyan ran ad meZZiyn a sul isummum

13-igh iga kra ccabab iHtam a sul aRmin

14-igh iccîb yan illa d ixf is awk immut

15-igh ur izdaR ad igawr ula sul nkern

16-i Rebbayt a lquda igh a kullu tarram

17-arat laxbaR n ddin wala win lixert

18-ula win lHub li d isHnnawen kuyan

19-aJJat laxbaR n tajin wala wi watay

20-ula win darun a dawn ur iTel kuyan

21-is ukan ra hlli giwn itSSa cciTTan

22-ula kullci mdden gan kun gh immi s làaR

23-a kullu tgam agh aDu ula nkwni nelmus

24-yan izrin is ad awk fellagh isufus

25-belHak ghilad nbiks i takat nnun

26-a gis nxddem li llah ar kigh t awk nssens

27-sin isaffen li di Hmeln at ten xaTergh

28-an issan mani ra dagh nit lkemn w aman

29-igh ur nezDar a ten bbigh mammi righ aDar

30-ur jjun d iwin izimer ula yat taghat

31-ghar a saàyaDn f yan ten ur issen

32-yak lbHar nettan ad awk yuttin làalam

33-reDan awk s ighRRuba ar fellassn takwin

34-mrad is gisen DiD is ra t ikk ugharas

35-ur a gisen ixlq Rebbi selm ula luHuc

36-i Rebbayt a Telba itxassamn fissat

37-mami tram làib urta tssem i yat

38-ullah amk illi ma giwn itarran lHaRf

39-tirra nnagh d lkuttub nnegh as a tallem ccan

40-igh ukan tnnam uhuy làulama HaDern

41-walli fhemn lHamdu ghrrint fellatengh

42-a fellangh isghD Rebbi igh as ur nselim

43-a kullu nessamH i duzan nasi taslit

44-s ? a ra dangh itinni kiwan

45-willi dar amud nes sersn-t ukan

46-kerzen z gis zenzzin-t sul iccaD lxir

47-ccin gis imeHtajjan wala lmsakin

48-ur jju RDin a tid awk sar nnan i yan

49-ur ukan t-lli tagat n Rebbi yalaTif

50-amr gh imssaghn wili ur itawin aDerf

51-ur jju xwin làaRba ula lexmis uHeln

52-wanna dar cciD n kra as akwurn imik

53-neki uhemgh i wada ur iTafn taghat

54-ukan ar saàyaDn f uccen gh ugharas

55-wid issghan zwijat maf ur a taHeln

56-ghar is tusim igi n ighir akuRRay

57-imma Russ d Ingliz awn yakan lqurtas

58-ghad anZar d ghad lbHur mmi sselagh

59-igh nefta s wasif ngummi tissi waman

60-utt-n ussman gh tagant aHeln iselman

61-neki baàdda rad nebayn lmirat nnun

62-ur ad neskar udem d rrcawi s immi nnagh

63-walli fhemn i daRbat gh ammas n wanuD

64-inna s gis nemaggar iàawwul fellangh

65-Rebbi iàabaRn d itxaSSamn tirit

66-righ an Zer man iger gh tiwim ideRfan

67-ula menck nssuq ad itssuqm s irraman

68-neki ssengh nit mdden dawn irTeln alim

69-ula tumZin mra giwn yilli wul nun

70-a tuqqurm willi kund itghiyaTn s imik

71-ghar isker d ugerzam is ukan iTass

72-ukan ar saàyaDn imekssawn fellas

73-aJJin uccen ar itazzal ghika wala ghik

74-ghila gh d ifaq iggut mani kullu ran

75-ad awk istara tagant ikk-n ula asif

76-ay issan ma gh illa buHrica f ikuntar

77-aSSlab da sa teRbagh yan ur itaHln

78-serssagh-t ukan uJJigh-t, imma tikrwin

79-meqqar agh siti tagwant ur a tent uttagh

80-igh nega lmus ad nebbi gh wakal iZuRan

81-igh nega ljaluq a gigh àalemn iferxan

82-ullah amk yilli ma-n gigh itawin làaR

83-wallayni ghikad ixcen kullu fellagh

84-ar itiwxcan lbaz igh ra yut assiyaD

85-nekin ay gan DîD làaR ur ad tirrigh

86-rribab d imurig n cluH as idel ccan ?

87-yan a tgam neki darengh ay IHaHan

88-ula Indemsirn gangh lfamila nnegh

89-kuyan han ur a gisen tinnigh làaR

90-i Rebb-amt a wulli g amt ukan amr yat

91-a kemt ur tawi tagant uccanen HeRRan

92-i Rebb amt s willi kund ismaghn f ussaghuR

93-a kullu asin dnub i kra kunt isslan

94-neki ssnagh mad isigiln i takat alim

95-ullah amk illi gh Idawtanan ula suss

96-hati laàdu nnun igi Cacawn agh llan

97-aDu n unZar ayyad ighlin a mafaman

98-asi tasDelt li-d itHiyalm s làin

99-temyart ay amaàduR gh imcD n tament

100-ad ukan tasit tubict ar ti telmit

101-ifaq uglif i tenZ nek ifel taslit

102-usin arHil s tagant ligh ur llin

103-zun d id-wank da gisen itakwurn imik

104-làib ixcen han iga asghar nek a cciTan

105-ur jju Zerigh kra gisen iTafn lkiran

106-ur jju d bab nes a dar tellit a caRaf